Bustrophedon
Appearance
![](http://chped.net/https/upload.wikimedia.org/wikipedia/commons/thumb/4/4a/Law_Code_Gortyn_Louvre_Ma703.jpg/280px-Law_Code_Gortyn_Louvre_Ma703.jpg)
![](http://chped.net/https/upload.wikimedia.org/wikipedia/commons/2/25/Forum_inscription.jpg)
Bustrophedon[1] (Graece: βουστροφηδόν 'boum versatione' ) est modus scribendi quo versus alternatim a sinistra ad dextram et versatione facta a dextra ad sinistram partem ducuntur, ut potest videri in legibus Gortyniis et in Lapide nigro. Boustrophedon est adverbium quo scriptoris opus cum boum in arando sulcos trahentium cursu comparatur.
Nota[recensere | fontem recensere]
- ↑ Bustrophedon a Mario Victorino in Arte grammatica (VII 55,21-56,2 Keil) his verbis describitur: "Primis enim temporibus, sicut quidam adserunt, sic soliti erant scribere, ut, cum a sinistra parte initium facere coepissent et duxissent ad dextram, sequentem versum a dextra parte inchoantes ad sinistram perducerent: quem morem ferunt custodire adhuc in suis liris rusticos. hoc autem genus scripturae dicebant bustrophedon a boum versatione, unde adhuc in arando ubi desinit sulcus et unde alter inchoatur versura proprio vocabulo nuncupatur."