Watchet
Locus: 51°10′46″N 3°19′27″W
Situs interretialis
Gestio
Watchet est oppidum Somersetensis comitatus in Anglia occidentali situm, ubi nundinae tenebantur ab anno circiter 900, mercatus autem ab anno 1244.[1] Ibi nostro tempore homines fere 3 750 habitant.
Usque ad annum 1902 Watchet et Williton in paroecia Sancti Decumani comprehensa sunt; quo anno pagus urbanus Watchet a paroecia civili Williton divisa est. Paroecia antiqua nomen habuit e sancto Decumano olim ecclesiae in oppido Watchet sitae patrono. Watchet his diebus, sicut et Williton, est paroecia civilis.
![](http://chped.net/https/upload.wikimedia.org/wikipedia/commons/thumb/d/df/The_Bell_Inn%2C_Watchet_-_geograph.org.uk_-_3733675.jpg/220px-The_Bell_Inn%2C_Watchet_-_geograph.org.uk_-_3733675.jpg)
Portus Watchet, ad manicam Bristoliensem positus, fuit burgus regni Occidentalium Saxonum.[2] Ter in Chronicis Anglosaxonum refertur, nominibus Weced et Wecedport. Anno fere 917 "piratae" Vicingi, ducibus Ohtor et Hroald, e Britannia Minore manicam Bristoliensem invaserunt; ab Herefordiensibus et Glocestriensibus repulsi ad Porlock et iuxta Watchet noctu furtim descenderunt, unde ab incolis debellati in insula vel Flat Holm vel Steep Holm refugium reppererunt: ibi alimentis carentibus multi mortui sunt.[3] Annis 987 seu 988, rursusque anno 997, a Vicingis oppidum combustum est.[4]
Notae[recensere | fontem recensere]
- ↑ Samantha Letters, "Gazetteer of Markets and Fairs in England and Wales to 1516[nexus deficit]"
- ↑ Hidae quorundam burgorum
- ↑ Chronica Anglosaxonum Ā anno 918 (be eastan Wæced; insula Bradan Relice), D anno 915 (be eastan Weced; insula Steapan Reolice) et similiter B et C
- ↑ Wecedport: Chronica Anglosaxonum E anno 987, C anno 988, E anno 997
Bibliographia[recensere | fontem recensere]
![](http://chped.net/https/upload.wikimedia.org/wikipedia/commons/thumb/9/9a/Watchet.jpg/440px-Watchet.jpg)
- John Collinson, The History and Antiquities of the County of Somerset (3 voll. Bathoniae, 1791) vol. 3 pp. 486-487
- "Watchett" in Samuel Lewis, ed., A Topographical Dictionary of England (7a ed. 1848. ~)
- "Watchet" in Nikolaus Pevsner, The Buildings of England: South and West Somerset (Harmondsworth: Penguin, 1958) pp. 329-331
- "St. Decumans, including Watchet and Williton" in Victoria History of the Counties of England (Londinii, 1901- ~) Somerset vol. 5 (1985) pp. 143-171
Nexus externi[recensere | fontem recensere]
![]() |
Situs geographici et historici: Locus: 51°10′46″N 3°19′27″W • OpenStreetMap • 7291693 GeoNames • Vision of Britain • Open Domesday |
![]() |
Vicimedia Communia plura habent quae ad Watchet spectant. |